The King
Admin
المساهمات : 113
تاريخ التسجيل : 29/09/2008
العمر : 35
 | | موضوع: رسالة من بعيد الإثنين أكتوبر 06, 2008 9:33 pm | |
|
النور مسافر والنهار مشتاق لبكرة والزمن جوانا …آمر !! و اللقا بالحلم …فكرة!! يا سنين ، الوهم ،، خادع مادد الخطوة طوفان راوي نبضِك بالمدامع ناسي فِ التوهة الأمان سارق الحلم اللي ضايع !! خاين الفرحة ، بزمان!! باكي ع الفجر اللي راجع!! و الايدين ممدودة …لكن مين باقي لها غير مواجع؟! فين تلاقي حضن؟ يهزم خوف بيدوي ع المسامع كيف تلافي فجرها الطارح ،،وليد؟! يا حبيبتي ….من بعيــــد بأرتمي جواكي وأصرخ نار تقيد يا حبيبتي …… شوقي ليكِ مش جديد ارتعاشة نبض فارس سيفه مكسور مش حديد ارتعاشة برد قارص ناره تحمي فِ الجليد يا حبيبتي ….من بعيــــد مش انا بس الوحيد كل عشاقك مرايا للحاصل كل عشاقك ضحايا و الألم فِ الجوف يواصل كل عشاقك يهونوا لو تكوني ؟؟ كل عشاقك يصونوا
وأروي شوقك من عيوني يا حبيبتي ….من بعيــــد شدي حيلك ؟ لو طريق الصبر طال يا حبيبتي …. ربي خيلك يبقوا للفارس آمال يا حبيبتي …. عدي ليلك مهما كانت عتمته تفوق الجبال يا حبيبتي ….. مستحيلك … اتحفر جوه العروق بلسم الجرح اللي غاير شمس للحلم اللي حاير نار علي الظلم اللي جاير غضبة ع الزور اللي ساير امتي يا شمس الشروق تطرحي نورك ستاير يعدل الميل اللي صاير يزرع النخوة ،، بشاير يا حبيبتي ….حلمي ف بعادك هوى مد يشرب من كؤوس الصب فيكِ بل ريقه وما ارتوي استحي يقولك خديني ،، مدي ايديك ،، أحضنيني مال علي غصنه انزوي شافك قصاد عينه حقيقة لكن الدرب التوي !! يا حبيبتي ….من بعيــــد دوبيني ف التلاقي رجعي حلمي اللي نائي خاصمي نقطة ضعف فيا صالحي بحر من اشتياقي يا حبيبتي ….من بعيــــد والأنين ف القلب فايض و السؤال يرتد عايد !! ميـــة سؤال !!! جفت علي ايديه المدايد امتي ح يكون التلاقي ؟!! واللي باقي مش كثير صارت الأيام شراقي حضني مشتاق وانتِ طير
لو يحط فِ قلبي لحظة ح اعرف ان الكون بخير يا حبيبتي …..نخل عالي عمره ما طاطى لريح مهما كان المهر غالي ح أدفعه بدمي الدبيح فوق شوارع السياسة والفراسة والمفتح والفصيح !!! ح أدفعه بقلبي الجريح اللي شاف الظلم فيك عاش هوانك الف حالة م السكات !! نصحي ع الأحزان نِبات ….!! واللي فاضل م الاماني هو يدوب الفتات آه يا أحلامي المحالة يا حبيبتي ….أتجرعي كاس الاستحالة !! من بعيد …يا حبيبة من بعيد!!!!
****Ro7y**** | |
|
